Оюуны оньс бүрэн дунд сургуулиас уламжлал болгон зохион явуулдаг "Эцэг эхийн нээлттэй өдөрлөг" үйл ажиллагаа амжилттай явагдлаа. Өдөрлөгийн үеэр: 1. НҮБ-ийн хүн амын сангийн статистикийн мэргэжилтэн З.Уянга "Эерэг амьдрал-Хүмүүжил" сэдвээр сургалт явууллаа. 2. Эцэг эхчүүд хүүхдийнхээ ангид 4 цагийн хичээлд сууж, анги удирдсан багш болон нэмэлт хичээлийн багш нар хичээл сургалтын талаар зөвлөгөө өгөв. 3. Сурагчдын өглөөний цай, өдрийн хоолны амталгаа хийгдлээ. Өдөрлөгт цаг заваа гарган хүрэлцэн ирсэн эцэг эх, асран хамгаалагчиддаа баярлалаа. Оюуны Оньс Сургуулийн Захиргаа

Чойжин ламын сүм музейгээс Оюуны оньс сургуулийн сурагчдад тус музейн талаар танилцуулга, мэдээлэл сургалт явууллаа.

Оюуны оньс бүрэн дунд сургуулийн 3б ангиас санаачлан явуулсан "Сайхан сэтгэл хариу нэхдэггүй" сайн үйлсийн аянд Оюуны оньс сургуулийн нийт багш ажилчид, сурагчид, эцэг эхчүүд нэгдэж "Өнөр бүл" асрамжийн газрын бяцхан хүүхдүүдэд сэтгэлийн бэлэг өгч нэгэн өдрийг хамт хөгжилдөж өнгөрүүллээ. Хандивын аянд идэвхтэй оролцсон сурагчид, эцэг эхчүүд, багш ажилчиддаа талархал илэрхийлье. Сайн үйлс бүхэн дэлгэрэх болтугай.

Оюуны оньс бүрэн дунд сургуулийн 2019 – 2020 оны хичээлийн жилийн Урлагийн бага наадам үйл ажиллагаа амжилттай зохион байгуулагдлаа.

Оюуны оньс бүрэн дунд сургуулийн сурагчдын Хүслийн шинэ жил үйл ажиллагаа амжилттай зохион байгуулагдлаа. Авьяаслаг, чадварлаг, бүтээлч, оюунлаг сайхан шавь нартаа болон бидэнтэй ямагт хамтран ажиллаж үр хүүхдийнхээ ирээдүйн сайн сайхан, хөгжлийн төлөө хоёргүй сэтгэлээр зүтгэдэг эцэг эхчүүд, эрхэм багш нартаа ирэх ондоо амжилт бүтээлээр дүүрэн байхын ерөөлийг дэвшүүлье.